ಭಯೋತ್ಪಾದಕ ಮುಖಂಡರ ವಿರುದ್ಧ ಕ್ರಮ ಕೈಗೊಳ್ಳದೇ "ಎಫ್‌ಎಟಿಎಫ್" ಗ್ರೇ ಪಟ್ಟಿಯಲ್ಲಿ ಮುಂದುವರಿದಿದೆ ಪಾಕಿಸ್ತಾನ | ಜನತಾ ನ್ಯೂಸ್
1102
ಪ್ಯಾರಿಸ್ : ಪಾಕಿಸ್ತಾನವನ್ನು ಮತ್ತೊಮ್ಮೆ ಫೈನಾನ್ಷಿಯಲ್ ಆಕ್ಷನ್ ಟಾಸ್ಕ್ ಫೋರ್ಸ್(ಎಫ್‌ಎಟಿಎಫ್)ನಲ್ಲಿ ಗ್ರೇ ಲಿಸ್ಟ್(ಬೂದಿಪಟ್ಟಿ) ಅಥವಾ "ಹೆಚ್ಚಿದ ಮೇಲ್ವಿಚಾರಣೆಯ" ಅಡಿಯಲ್ಲಿರುವ ದೇಶಗಳ ಪಟ್ಟಿಯಲ್ಲಿ ಉಳಿಸಿಕೊಳ್ಳಲಾಗಿದೆ. ಯುಎನ್(ವಿಶ್ವಸಂಸ್ಥೆ) ಸೆಕ್ಯುರಿಟಿ ಕೌನ್ಸಿಲ್-ಗೊತ್ತುಪಡಿಸಿದ ಭಯೋತ್ಪಾದಕ ಗುಂಪುಗಳ ಉನ್ನತ ನಾಯಕತ್ವವನ್ನು ವಿಚಾರಣೆಗೆ ಒಳಪಡಿಸುವಲ್ಲಿ ಕೊರತೆಯಿದೆ, ಎಂದು ಪ್ಯಾರಿಸ್ ಮೂಲದ ಯುಎನ್ ವಾಚ್‌ಡಾಗ್ ತೀರ್ಮಾನಿಸಿದಂತೆ. ಯುಎನ್ ಸೆಕ್ಯುರಿಟಿ ಕೌನ್ಸಿಲ್-ಗೊತ್ತುಪಡಿಸಿದ ಭಯೋತ್ಪಾದಕ ಗುಂಪುಗಳಲ್ಲಿ ಪಾಕಿಸ್ತಾನ ಮೂಲದ ಲಷ್ಕರ್-ಇ ತೋಯಿಬಾ, ಜೈಶ್-ಎ ಮೊಹಮ್ಮದ್, ಅಲ್ ಖೈದಾ ಮತ್ತು ತಾಲಿಬಾನ್ ಸೇರಿವೆ.
ಜೂನ್ 21 ರಿಂದ 25 ರವರೆಗೆ ನಡೆದ ತನ್ನ ಇತ್ತೀಚಿನ ಸಮಗ್ರ ಅಧಿವೇಶನದ ಕೊನೆಯಲ್ಲಿ ಈ ನಿರ್ಧಾರವನ್ನು ಪ್ರಕಟಿಸಿದ ಎಫ್‌ಎಟಿಎಫ್, ಪಾಕ್ ಗೆ ನೀಡಲಾದ 27 ಕಾರ್ಯಗಳ ಪೈಕಿ 26 ಕಾರ್ಯಗಳನ್ನು ಪೂರ್ಣಗೊಳಿಸಿದರೂ ಸಹ, ಭಯೋತ್ಪಾದಕರು ಮತ್ತು ಭಯೋತ್ಪಾದಕ ಘಟಕಗಳನ್ನು ಶಿಕ್ಷಿಸುವ ಕೊನೆಯ ಕಾರ್ಯವನ್ನು ಪೂರ್ಣಗೊಳಿಸಲು ಪಾಕಿಸ್ತಾನ ವಿಫಲವಾಗಿದೆ, ಎಂದರೆ ಅದನ್ನು ಸದ್ಯಕ್ಕೆ ಪಟ್ಟಿಯಿಂದ ಹೊರಹಾಕಲಾಗುವುದಿಲ್ಲ, ಎಂದಿದೆ.
ಪಾಕಿಸ್ತಾನವು ತನ್ನ ಕಾರ್ಯತಂತ್ರದ-ಪ್ರಮುಖ ನ್ಯೂನತೆಗಳನ್ನು ನಿವಾರಿಸುವ ಕೆಲಸವನ್ನು ಮುಂದುವರಿಸಬೇಕು ಎಂದು ಎಫ್‌ಎಟಿಎಫ್ ಹೇಳಿದೆ. ಇದಲ್ಲದೆ, ಎಫ್‌ಎಟಿಎಫ್ ಮತ್ತೊಂದು ಹೆಚ್ಚುವರಿ 6-ಅಂಶಗಳ ಪಟ್ಟಿಯನ್ನು ಹಸ್ತಾಂತರಿಸಿದ್ದು, ಈ ಹೊಸ ಪಟ್ಟಿಯಲ್ಲಿ ಮುಖ್ಯವಾಗಿ ಮನಿ ಲಾಂಡರಿಂಗ್ ಮೇಲೆ ಕ್ರಮಗಳೂ ಸೇರಿದೆ.
"ಭಯೋತ್ಪಾದಕ ಹಣಕಾಸು ತನಿಖೆ ನಡೆಸುವ ಮೂಲಕ ಭಯೋತ್ಪಾದನೆಯ ಕೌಂಟರ್ ಫೈನಾನ್ಸ್ (ಸಿಎಫ್‌ಟಿ) ಸಂಬಂಧಿತ ವಿಷಯ ಹಾಗೂ ಯುಎನ್ ಗೊತ್ತುಪಡಿಸಿದ ಭಯೋತ್ಪಾದಕ ಗುಂಪುಗಳ ಹಿರಿಯ ನಾಯಕರು ಮತ್ತು ಕಮಾಂಡರ್‌ಗಳನ್ನು ಗುರಿಯಾಗಿರಿಸಿ ಕಾನೂನು ಕ್ರಮಗಳನ್ನು ಅದನ್ನು ಪ್ರದರ್ಶಿಸುವ ಮೂಲಕ ಬಾಕಿ ಉಳಿದಿರುವ ವಿಷಯಗಳನ್ನು ಸಾಧ್ಯವಾದಷ್ಟು ಬೇಗ ಪರಿಹರಿಸಲು ಪ್ರಗತಿಯನ್ನು ಮುಂದುವರಿಸಲು ಪಾಕಿಸ್ತಾನವನ್ನು ಎಫ್‌ಎಟಿಎಫ್ ಪ್ರೋತ್ಸಾಹಿಸುತ್ತದೆ”, ಎಂದು ಎಫ್‌ಎಟಿಎಫ್ ಅಧ್ಯಕ್ಷ ಮಾರ್ಕಸ್ ಪ್ಲಿಯರ್ ಹೇಳಿದ್ದಾರೆ.
